نائب تكشف كواليس جلسة سحب الثقة من الغنوشي وهذا ما قاله القروي

المنبر التونسي(سحب الثقة من الغنوشي) – نشرت النائب أمال الورتتاني عن حزب قلب تونس تدوينة على حسابها الشخصي بالفايسبوك ردت فيها على الإتهامات الموجهة لها و لحزبها في علاقة بالتصويت في جلسة سحب الثقة من رئيس البرلمان.

واعتبرت الورتتاني أن رئيس الحزب نبيل القروي اخبرهم بانهم أحرار في التصويت شرط إبلاغه بذلك ،أما عن موقف طوبال فقالت انه غير موقفه من رافض لسحب الثقة إلى داعم لها.
وفي ما يلي نص التدوينة:

 ثلاثة أيام و الناس تسب عقلية الفيراج وقيت نفهمو بعضنا، لا صححت معاكم العريضة لا نتحمل مسؤولية فشلها من اول نهار سألتكم وين ماشين شكون اتفقتو عليه جاوبتو نطيحوه و نتفاهمو و انا ما عنديش فيكم ثقة جربتكم في حكومة الجملي دزيت في إسقاطها اول سبب في قسمة الكتلة واتفقنا على حكومة بلا نهضة مشيتو دخلتو في حكومة مع نهضة و قلتو تحالف برلماني التحالف لا يكون إلا حكومي اما انتم تحبو قلب تونس صانع عندكم تخدمو به خاطر هو مقرونة و فساد و مزية كبيرة كيف تخدموا به و للامانة التاريخية الي قالولي خليفة بن سالم حدث بالظبط الراجل يعرفكم و نعتذر منه بالمناسبة. السمسارة و الهواة قالولي باش نطلعو مدام شواشي في بالهم كيف العادة بيع و اشري أكثر حاجة خلاتني ناخذ مسافة الأمان منكم هو وعودكم متع الطمع و كنت نشوف في الخدع في عينكيم في حين العريضة جاءت ردا على عريضة سحب الثقة من الفخفاخ ما عدى الدستوري الحر الي خدم عليها منذ أول جلسة البقية متسلقين اثبتوا فشلهم لأنه الي ما يعرفش يرشم ما يدخلش المعارك الخاسرة موش ديما الصدفة تصدق…. اخواني الدساترة المحترمين مثماش موقف خذيته وقفوا معايا ولا واحد يصل بهم الى دعم التيار و الشعب على حسابي و انا حتى بشوية ماخذة في الخاطر لااااا جلسات اللجان تشهد…. و مثماش موقف دستوري الا و تنازلت على حقي و دافعت عليهم البرلمان الفرنكفوني يتكلم نوفل فلفال تتذكر شنوة قتلك كيف حبيت على رئاسته “خوذ احنا مش قاسمين” اللجان كذلك و نائب الثاني الرئيس و غيره…..الوحيد باش ما نظلموش عمل عليا مزية هو هشام بن أحمد ما ننساش خيرك خويا. حضرت الجلسة مهرجان الصور و كرنفال الخدع ما شكرتش فيه لأنه الي موش مثيقين بعضهم وهو ما مصححين مع بعضهم موش التصويرة تصنع الثقة. صوتت بضمير و ارادتي الحرة بسرية كيف ما تقتضيه الإجراءات الي يلومو في رئيس المجلس على تجاوزها وهو ما النظام الداخلي مسحوا فيه أرجلهم. رئيس الحزب قال صراحة الي موافق على السحب يقلي” برجلة ” ما يغدرنيش و المحافظة على كتلتي أهم من الغنوشي و كان العمل هكا. أكثر واحد مظلوم طوبال لأنه غيّر موقفو و دز في سحب الثقة و وصلنا إلى حد كبير من الاختلاف، قاعدة انا و سفيان نتناقش طلبتني صديقة قتلي سفيان توا يوزع في الفلوس عديتهولها مباشرة باش تاخذ شوية، ناس متخافش ربي. كل شيء نوسع بالي فيه اما تتهمني اني خذيت فلوس و بعت ذمتي وقتها نقلك كان ربي خلانا حيين بخير و بقي البرلمان تو تسمع و تشوف قراراتي مستقبلا…. الي غدرو الباجي يرحمو و قسمولو ظهرو جابهم من عدم موش مؤهلين لاعطائي دروس ما عنديش ولاء اعمى للقروي نختلفو في مواقف اما مستحيل نغدر الي عملوا البلوتاح بالأوراق نقلهم برافو احسنتم خاصة جماعة التصاور و الفيديوهات و الأفلام bien joué….

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق